'A LUNA

‘A LUNA

Pure si ‘o cielo è ‘nu pucurillo ‘ntruvuliato

pure stasera è apparuta ‘a luna.

Aesce e nunn’aesce… e pare quase

che se vulesse affà desiderà.

Quase facessse cumpagnia

a tutte ‘e ‘nnammurate,

assettate ‘ngoppa ‘o lemmeto

‘ra banchina r’Aruopuli,

terra r’ammore e sentimente fine

ca’ sulamente accà

se ponno ancora riscuntrà.

E tra n’abbraccio e ‘nu vasille,

‘a luna spiona vuarda e pare

ca’ cuntrolla tutte chilli ca’ se vonno bbene.

A‘ luna r’Aruopuli pare ‘na ruffiana

ca’ spia allà ‘ngoppa tutt’è ‘nnammurate.

E quanno, tra n’abbraccio e ‘n’allisciata,

tutt’è ‘nammurate se salutano

e po’ se vanno a curcà

pur’essa ‘ngoppa a ‘na nuvola janca,

se ne va chianu chianu a riposà.

‘A matina aroppa ngè penza ‘o sole

e tutt’è ‘nnammurate va a scetà.

Catello Nastro