SITTANT'ANNE

SITTANT’ANNE
(stato d’animo 9)

Songo passate sittat’anne
‘a che stongo ‘ngopp’a
a faccia ‘e chesta terra
e n’aggio viste e fatte
‘e tutte ‘e culure.

Quann’arrivaje,
‘nge steva ancora ‘a guerra,
e se magnava a famma
c’u appetito tutt’è juorne,
senza sparagnà manco ‘e festivi.

Mo’ ca’ pozzo pure magnà
‘o miereco m’ha ditto,
ca’ nun ho pozzo fa,
ca’ si ho faccio spisso
corro ‘ rischio re schiattà.

Ma oggie, ca’ festeggio
e’ sitt’antanne e songo vecchio,
me voglio cunzulà ‘e stentine,
annanze tiempo, e chi ho sape,
ca’ nun ho pozzo cchiù ffa’

Rafele, ch’è n’amico overamente,
m’ha fatto tante cose cucinà,
ma muglierema assettata
propeto affianco a mme,
nu’ poco ‘e tutto m’ha fatto assapurà.

Mo’ ca’ so trasuto dint’ò superchio,
ringrazio ‘o Pataterno che ‘m’ha fatto verè,
e si mi ra’ ‘a possibilità
‘e fa’ coccosa e‘ bbuono ho faccio contento:
ho faccio armeno po ringrazià…

Catello Nastro